بٷگٸن الماتى قالالىق جۇقپالى اۋرۋلار اۋرۋحاناسىنان كوروناۆيرۋس جۇقتىرعان ەيەل ەمدەلٸپ شىقتى.
بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ حابار 24 تەلەارناسىنداعى ونلاين-بريفينگ بارىسىندا ايتتى, - دەپ حابارلايدى قازاقپارات.
بٷگٸن, 26 ناۋرىزدا قالالىق جۇقپالى اۋرۋلار اۋرۋحاناسىنان COVID-19 ۆيرۋسى راستالعان ەيەل ەمدەلٸپ ٷيٸنە شىعارىلدى. ول قازاقستاندا كوروناۆيرۋستىق ينفەكتسييانى جۇقتىرعانداردىڭ العاشقىلارىنىڭ بٸرٸ بولدى.
«پاتسيەنت كوروناۆيرۋستى ەۋروپادا جۇقتىرعان. ول ۆيرۋسقا قارسى ەمدەۋ مەن سيمپتوماتيكالىق تەراپييانىڭ تولىق كۋرسىن الدى. اۋرۋ سيمپتومدارسىز ٶتٸپ, ۆيرۋسقا قارسى ەمدٸ ەيەل قاناعاتتانارلىق جاعدايدا ٶتكٸزدٸ. ەمدەۋ كەزەڭٸندە اسقىنۋلار بولعان جوق. سوڭعى جٷرگٸزٸلگەن ەكٸ باقىلاۋ تالداۋ شارالارى كوروناۆيرۋسقا تەرٸس نەتيجە كٶرسەتتٸ», – دەيدٸ تٸلەۋحان ەبٸلداەۆ.
