Almaty politsiiasy bir ándi birneshe ánshige satty degen kúdikpen er adamdy ustady. Bul týraly Polisia.kz habarlaidy.
Bostandyq aýdandyq PB-ǵa qarasty politsiia bólimi aqparatynsha, 30 jastaǵy er adam ujymdyq aryzben júgingen birqatar mýzykanttarǵa qatysty alaiaqtyq jasady degen kúdikke ilindi.
"Azamattardyń aryzynan belgili bolǵandai, 30 jastaǵy Y. esimdi azamat, ózin kompozitormyn dep tanystyryp, bóten adamnyń týyndysyn birden birneshe oryndaýshyǵa satyp jibergen. Kúdikti ustaldy. Onyń áreketi QK-niń 190-baby 3-bóligimen kvalifikatsiialanǵan. Sotqa deiingi tergeý jalǵasýda", - dedi Bostandyq aýdandyq politsiia basqarmasynyń bastyǵy Didar Ahanov.
Qylmystyq kodekstiń 201-babyna sáikes ózge aqparat tergeý múddesine orai jariia etilmeidi. Eske sala ketsek, buǵan deiin qazaqstandyq bir top ánshi jalǵan kompozitorǵa aldandyq dep málimdegen edi. Zardap shegýshiler sol kezde shyǵyn kólemi 10 million teńgeden asýy múmkin degen bolatyn.
