Almatyda 4 mamyrdan bastap ashylatyn saýda oryndaryna bazarlar jatpaidy. Azyq-túlikten basqa bazar saýdasynyń ashylýyna nege tyiym salynyp otyrǵanyn qala ákiminiń orynbasary Saparbek Tuiaqbaev onlain brifing barysynda túsindirdi, dep habarlaidy QazAqparat.
«Aýdany 500 sharshy metr bolatyn azyq túlikten basqa taýarlar dúkenderiniń ashylýyna ruqsat beriledi. Eger ShOB sýbektileri bazar men saýda úii territoriiasynda ornalassa olarǵa ruqsat berilmeidi. Dúkender jeke ornalasýy kerek. Bazarlar men saýda úilerine, ortalyqtaryna ruqsat áli joq», - dedi Saparbek Tuiaqbaev.
4 mamyrdan bastap shashtarazdar (aldyn-ala jazylý boiynsha), fotosalondar men gúl dúńgirshekteri, jyljymaityn múlik kompaniialary, valiýta aiyrbastaý oryndary jumysyn qaita bastaidy.
Qyzmet kórsetý salasy boiynsha aiaq kiim jóndeý, himiialyq tazalaý, baspa isi boiynsha nysandardyń jumysyn iske qosýǵa ruqsat etilgen.
Olarǵa qandai talap qoiylatynyn buǵan deiin jazǵan bolatynbyz.
Qala ákiminiń orynbasarynyń aitýynsha, atalǵan nysandardy ashýdyń arqasynda 41,4 myń adamdy jumyspen qamtýǵa múmkindik týady.
