Almatyda dárigerler basyna oq tigen adamdy qutqaryp qaldy. № 4 qalalyq klinikalyq aýrýhananyń neirohirýrgtary kúrdeli operatsiia jasap, naýqastyń bas súieginen oq alyp shyqty, dep habarlaidy "Ult aqparat".
16 shildede №4 aýrýhananyń qabyldaý bólimine sol jaq mańdai samai aimaǵynan qan ketken 38 jastaǵy adam tústi.
Onyń basy ainalyp, sol kóziniń kórý qabileti tómendegen.
«Basy ashyq jaralanǵan. Bas súiekten bireý oq atqan. Mi aýyr soqqy alǵan. Epidýraldy gematoma paida bolǵan. Mańdai-samai bólikterinen bógde dene (oqtyń) tabyldy. Mańdai jáne samai súiekteri fragmenttik túrde synǵan. Bas súieginiń rentgenogrammasy 2 proektsiiasynda qaraqus-samai aimaǵynda qara súiek synyp, metaldan jasalǵan bógde deneniń tabylǵany rastaldy. Sonymen qatar, miynyń parenhimasy zaqymdanǵan», - dedi Almaty qalasy №4 Qalalyq klinikalyq aýrýhananyń neirohirýrgi Timýr Aitmuhanov.
Jaradan qan ketý saldarynan er adam shuǵyl túrde anesteziia, reanimatsiia jáne qarqyndy terapiia bólimshesine emdeýge jatqyzyldy.
Operatsiia 2 saǵat 50 minýtqa sozyldy. Bas súiekten oqty alyp tastaý kúrdeli jumys bolǵandyqtan, neirohirýrgtar midyń zaqymdaný qaýpin jáne onyń mańyzdy fýnktsiialaryn eskerdi. Dárigerler operatsiiadan keiin aǵzanyń barlyq organdary men júieleriniń jumysyn barynsha qalpyna keltirýge mindettelgen bolatyn. Operatsiia sátti ótti, patsient esin jinady.
Operatsiiany operator-dáriger Timýr Muratuly Aitmuhanov, assistent Baýyrjan Asqaruly Bekbaev, anesteziolog Asqar Kóktaluly Sandybaev, operatsiialyq meiirbike Rashida Imanjanovna Týrdahýnova jasady.
