Almatyda bas shyrshanyń shamdary jaǵyldy, dep habarlaidy QazAqparat.
Negizgi shara 20 metrlik shyrsha ornatylǵan «Astana» alańynda ótti. Saltanatty rásimge Almaty ákiminiń orynbasary Erjan Babaqumarov qatysty.
Jańa jyldyń basty simvolynyń biiktigi – 20 metr. Bas shyrsha jaryqdiod girliandalarmen, jańajyldyq oiynshyqtarmen bezendirilgen.
Estrada juldyzdary qatysqan bul shara qala boiynsha jańajyldyq is-sharalardy bastaýǵa múmkindik berdi.
Megapolistiń barlyq segiz aýdanynda 100-den astam fotoaimaq ornatylǵan, onyń ishinde shyrshalar, shaǵyn sáýlet nysandary jáne jańa jyldyq bezendirýdiń basqa da elementteri bar.
Sondai-aq, 21-30 jeltoqsan aralyǵynda qala ákimdiginiń qoldaýymen «Jańajyldyq kerýen» uiymdastyryldy.
Qala qonaqtary men turǵyndaryn júk kólikteriniń kerýeni kútedi: dekoratsiialar, myńdaǵan jaryqtandyrý, jaryq shoýlary, jarqyn fotoaimaqtar jáne úlken syilyqtar jármeńkesi.
30 myń metrden astam jaryq girliandalary, shamdar men qyzyqty dizain eshkimdi bei-jai qaldyrmaidy.
Júk kólikteriniń qozǵalysy áleýmettik jelilerde jariialanady.
Sonymen qatar, KVI taralýyna qarsy is-qimyl jónindegi qalalyq shtab kúrdeli sanitarlyq-epidemiologiialyq ahýalǵa jáne omikron shtammynyń taralý qaýpine bailanysty saqtyq sharalaryn – maska rejimin jáne áleýmettik qashyqtyqty saqtaý qajet ekenin eske salady.
Almatylyqtarǵa vaktsinatsiiany jalǵastyrý kerek, al buryn egilgenderdi qaita vaktsinalaý qajet. Vaktsinatsiia pýnktileri jumysyn jalǵastyryp jatyr.
