Foto: istockphoto.com
Almatyda bardyń negizin qalaýshy qyzmetkerine qatysty zorlaý isi boiynsha kináli dep tanylyp, 5 jylǵa bas bostandyǵynan aiyryldy. Úkimdi Medeý aýdandyq №2 soty shyǵardy, dep habarlaidy Ult.kz.
Sot aiyptalýshyny Qylmystyq kodekstiń 120-baby (zorlaý) jáne 118-baby (AITV juqtyrý qaýpin tóndirý) boiynsha kináli dep tanydy. Alaida 118-bap boiynsha qylmystyq jaýapkershilik merziminiń ótýine bailanysty ol jazadan bosatyldy.
Oǵan ortasha qaýipsizdik mekemesinde 5 jyl jazasyn óteý taǵaiyndaldy. Sondai-aq sot sottalýshyny jábirlenýshiler qoryna shamamen 86 myń teńge tóleýge mindettedi. Qamaýda ustaý bultartpaý sharasy ózgerissiz qaldy.
Sot materialdaryna sáikes, oqiǵa 2025 jyldyń naýryzynda bolǵan. Tergeý barysynda aiyptalýshy jábirlenýshini psihotroptyq zat qoldanýǵa kóndirip, ony dármensiz kúige túsirip, erkinen tys jynystyq áreket jasaǵany anyqtalǵan.
Sotta jábirlenýshiniń aiǵaqtary, beinejazbalar jáne is materialdary dálel retinde qaraldy. Aiyptalýshy ózine taǵylǵan aiypty moiyndamai, áreket ózara kelisimmen bolǵanyn aitqan.
Úkim ázirge zańdy kúshine engen joq, taraptardyń shaǵymdanýǵa quqyǵy bar.
