Almatyda banktiń stajer-keńesshisi klientterdiń shotynan aqsha sheship alǵan, dep habarlaidy QazAqparat.
Almaty qalalyq politsiia departamentiniń málimetinshe, alaiaqtyq áreket jasaǵany úshin 22 jastaǵy I.esimdi jas qyz ustaldy. Ol ekinshi deńgeili bankterdiń biriniń klientterin aldaǵan.
«Kúdiktiniń qylmystyq nietpen bankke stajer- keńesshi bolyp jumysqa ornalasqany anyqtaldy. Onyń fýnktsionaldyq mindetine klientterdiń smartfondaryna mobildi qosymshany ornatýǵa jáne olardyń bank kartalaryn resýrsqa qosýǵa kómektesý kiredi. Boijetken keibir klienttiń kamerasy beine tekserýdi qoldamaitynyn alǵa tartyp, olarǵa óz smartfony arqyly jeke kabinetter ashqan. Sol arqyly paidalanýshylardyń jeke derekterin skrinshottap alǵan. Sodan keiin ol klientterdiń jeke derekteri men qupiia sózin paidalanyp, qosymshaǵa kirip, olardyń shottarynan aqsha sheship alǵan. Kóbine aqshany úshinshi adamdardyń kartasyna aýdarǵan», – dedi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.
Kúdiktige qatysty QR QK-niń 190-babynda (Alaiaqtyq) kózdelgen qylmys boiynsha qylmystyq is tergelýde.
Onyń basqa da zańsyz áreketterge qatysy bar-joǵy tekserilip jatyr.
