Almatyda týǵan ulyn shybyn urǵyshpen soqqan áke ákimshilik jaýapqa tartyldy, dep habarlaidy "Ult aqparat".
Bul faktini Alataý aýdandyq politsiia qyzmetkerleri áleýmettik jelilerdi baqylaý kezinde anyqtady. Er adam balany shybyn urǵyshpen salyp jiberip, sodan keiin qolyna jerde jatqan armatýrany aldy, biraq onymen urmady.
«Jergilikti politsiia qyzmetkerleri oqiǵany jedel tekserdi. Bul «Rahat» shaǵyn aýdanynda bolǵan. Beinejazbadaǵy er adamdy birden anyqtadyq. Onyń 38 jastaǵy jergilikti turǵyn ekeni belgili boldy. Er adam bul faktini joqqa shyǵarǵan joq. Ol óziniń 2008 jyly týǵan ulyn osylaisha tárbielegenin jetkizdi. Otbasy tolyq. Turmysy jaqsy. Oqý ornynda balaǵa jaqsy sipattama berdi. Ýchaskelik inspektorlar balany urý faktisi boiynsha ákimshilik material jinaqtady. Bul material Almaty qalalyq mamandandyrylǵan aýdanaralyq ákimshilik sotynyń qaraýyna joldanady», - dedi Alataý aýdandyq politsiia basqarmasynyń bastyǵy Berik Ábilbekov.
