Politsiia Almatydaǵy «Mega» oiyn-saýyq ortalyǵyndaǵy oqiǵaǵa qatysty túsinikteme berdi, dep habarlaidy "Ult aqparat".
Almaty qalalyq Politsiia departamentiniń málimetinshe, qazirgi ýaqytta bul derekti Bostandyq aýdandyq politsiia basqarmasy tergep jatyr.
«Qazir balanyń alǵan jaraqattarynyń aýyrlyǵyn anyqtaý úshin sot-meditsinalyq saraptama taǵaiyndaldy. Atalǵan is óndirisi saraptama qorytyndysy daiyn bolǵannan keiin jalǵasyp qandai shara qoldanylatyny belgili bolady», - dep habarlady politsiiadan.
Oqiǵaǵa qatysty «Mega» oiyn-saýyq ortalyǵynyń baspasóz qyzmeti de túsinikteme berdi.
«Marwin» dúkeninde bolǵan oqiǵa, árine, ókinishti.
«Biz óz tarapymyzdan oiyn-saýyq ortalyǵynda ornalasqan, onyń ishinde Marwin dúkenindegi barlyq konstrýktsiia men zattardyń berik ornyǵýyn qaita tekseremiz», - delingen habarlamada.
«Marwin» dúkender jelisiniń bas direktory Vadim Golenkonyń aitýynsha, zardap shekken balaǵa barlyq kómek kórsetilip jatyr.
«Bizdiń tehnikalyq qyzmetkerler oiynshyq-músindi alyp, onyń qulaý sebebin anyqtap jatyr. Buǵan qosa bizdiń dúkendegi osyǵan uqsas barlyq figýralar alynyp tastaldy. Balanyń ata-anasymen turaqty bailanystamyz jáne densaýlyǵy qalypqa kelgenshe barlyq kómek kórsetýge daiynbyz. Qazir bala úiinde», - deidi dúken ókili.
Aita keteiik, Almatydaǵy «Mega» SOO-da balanyń ústine oiynshyq músin qulap ketken bolatyn. Saldarynan kishketai balanyń miy shaiqaldy.
