Almatynyń Naýryzbai aýdanynda bir jarym saǵatta birneshe qylmys jasaǵandar ustaldy, - dep habarlaidy Tengrinews.kz tilshisi Polisia.kz saityna silteme jasap.
Basylym málimetinshe, kúdiktiler aldymen sabaqtan qaityp kele jatqan balalarǵa shabýyl jasaǵan. Olar kámeletke tolmaǵan balalardyń uialy telefondary men aqshasyn tartyp alǵan. Al bir jarym saǵattan keiin 41 jastaǵy er adamnyń uialy telefony men qujattaryn qoldy qylǵan.
"Jedel izdestirý sharalary barysynda 24 pen 34 jas aralyǵyndaǵy kúdiktiler ustaldy. Olar kinásin moiyndady. Osy derek boiynsha QR QK 191-baby 3-bóligi 1-tarmaǵy boiynsha qylmystyq is qozǵaldy. Ustalǵandardyń jeke basy osyǵan uqsas basqa da derekke qatystylyǵy tekseriletin bolady", - dedi Naýryzbai aýdandyq politsiia bóliminiń bastyǵy Daniiar Meńdebaev.
