Almatyda atyshýly JAN Production kinostýdiiasynyń direktory eki aiǵa qamaýǵa alyndy. Oǵan júzdegen ata-anany aldap, asa iri kólemde alaiaqtyq jasady degen aiyp taǵylyp otyr, dep habarlaidy ult.kz. Stan.kz aqparat agenttigine silteme jasap.
Bul kinostýdiia balalardy kinoǵa túsirýge ýáde etip, qomaqty qarajat jinaǵan. Aldymen kasting jariialap, ortalyqqa kelgen barlyq balaǵa "basty róldi somdaisyń" dep ýádeni úiip-tókken. Ul-qyzyn juldyz qylǵysy kelgen ata-analar kelisimshartqa otyryp, árqaisysy bir jarym million teńgeden sanap beripti. Alaida elge tanymal akterlermen kinoǵa túsirip, qyzyl kilemmen júrgizemiz degen ýáde sol kúii oryndalmaǵan. Qazir politseiler bul iske qatysty tergeý júrgizip jatyr. Al san soǵyp qaldyq degender kinostýdiianyń jarnamasyna túsken tanymal akterlerdi de qylmystyq jaýapqa tartýdy talap etýde.
“Qylmystyq is tergelip jatyr. Bul iske qatysy bar kúdiktige qatysty bultartpaý sharasy retinde qamaý taǵaiyndalyp otyr. Qazir ol tergeý izoliatorynda. Tergeý jalǵasady”, – dedi Almaty politsiia departamentiniń resmi ókili Saltanat Ázirbek.
