الماتىدا اتىشۋلى JAN Production كينوستۋديياسىنىڭ ديرەكتورى ەكٸ ايعا قاماۋعا الىندى. وعان جٷزدەگەن اتا-انانى الداپ, اسا ٸرٸ كٶلەمدە الاياقتىق جاسادى دەگەن ايىپ تاعىلىپ وتىر, دەپ حابارلايدى ult.kz. Stan.kz اقپارات اگەنتتٸگٸنە سٸلتەمە جاساپ.
بۇل كينوستۋدييا بالالاردى كينوعا تٷسٸرۋگە ۋەدە ەتٸپ, قوماقتى قاراجات جيناعان. الدىمەن كاستينگ جارييالاپ, ورتالىققا كەلگەن بارلىق بالاعا "باستى رٶلدٸ سومدايسىڭ" دەپ ۋەدەنٸ ٷيٸپ-تٶككەن. ۇل-قىزىن جۇلدىز قىلعىسى كەلگەن اتا-انالار كەلٸسٸمشارتقا وتىرىپ, ەرقايسىسى بٸر جارىم ميلليون تەڭگەدەن ساناپ بەرٸپتٸ. الايدا ەلگە تانىمال اكتەرلەرمەن كينوعا تٷسٸرٸپ, قىزىل كٸلەممەن جٷرگٸزەمٸز دەگەن ۋەدە سول كٷيٸ ورىندالماعان. قازٸر پوليتسەيلەر بۇل ٸسكە قاتىستى تەرگەۋ جٷرگٸزٸپ جاتىر. ال سان سوعىپ قالدىق دەگەندەر كينوستۋدييانىڭ جارناماسىنا تٷسكەن تانىمال اكتەرلەردٸ دە قىلمىستىق جاۋاپقا تارتۋدى تالاپ ەتۋدە.
“قىلمىستىق ٸس تەرگەلٸپ جاتىر. بۇل ٸسكە قاتىسى بار كٷدٸكتٸگە قاتىستى بۇلتارتپاۋ شاراسى رەتٸندە قاماۋ تاعايىندالىپ وتىر. قازٸر ول تەرگەۋ يزولياتورىندا. تەرگەۋ جالعاسادى”, – دەدٸ الماتى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
