Áleýmettik jelilerdegi qaýipti kontent, kiberbýlling pen balalarǵa qatysty onlain qylmystardyń aldyn alý boiynsha qala deńgeiinde qandai naqty jumystar júrgizilip jatqany týlaly tilshimizdiń suraǵyna Almatydaǵy Balalardyń quqyǵyn qorǵaý basqarmasynyń basshysy Janat Aitpaeva óńirlik kommýnikatsiialar qyzmetiniń baspasóz ortalyǵynda jaýap berdi.
«Bizdiń basqarma jumysyn biyl 1 maýsymnan bastady. Qazir aýdan-aýdan boiynsha ata-analar men Almaty turǵyndary arasynda túsindirý jumystary júrgizilip jatyr. Sonymen qatar «Almaty qaýipsiz balalyq shaq» degen bir keremet joba iske qosylǵaly otyr. Sol joba aiasynda kóp jumystar josparlanyp otyr. Naqty aityp ketetin bolsam, tamyz aiynda memlekettik mektepterdiń basshylaryna jáne tárbie jónindegi orynbasarlaryna úlken seminar ótkizgeli jatyrmyz. Sondai-aq onda mektep psihologtaryna 111 biryńǵai bailanys júiesi boiynsha qalai jumys isteý kerektigin jáne qalai birigip jumys isteý qajet ekenin talqylaimyz», - Janat Aitpaeva.
Almatydaǵy Balalardyń quqyǵyn qorǵaý basqarmasynyń basshysynyń aitýy boiynsha mundai qylmytardyń aldyn alý, túsindirý jumystary da mańyzdy. Osy rette «DOSBOLLIKE» baǵdarlamasy aiasynda býlling pen kiberbýllingtiń aldyn alýǵa arnalǵan 112 myńnan astam sabaq ótkizildi. Oǵan 314 myńnan astam oqýshy qatysty.
Maman bergen derekterge súiensek, ótken oqý jylynda Almatyda balalar arasyndaǵy býllingke qatysty 457 ótinish tirkeldi. Onyń barlyǵy senim telefony, 111 biryńǵai bailanys jelisi men konsýltatsiialyq alańdar arqyly kelip túsken. Mamandar árqaisysyn tekserip, qajet bolǵan jaǵdaida psihologtar, áleýmettik qyzmetkerler men basqa da beiindi qyzmetti osy iske tartqan.
