Foto: videodan skrinshot
Almatyda turǵyn úi keshenderiniń biriniń aýlasyndaǵy balalar alańynda kishkentai balany tepken er adam ustaldy. Bul týraly Almaty qalasy Politsiia departamentine silteme jasap Ult.kz habarlaidy.
Áleýmettik jelilerde er adamnyń turǵyn úi kesheni aýlasynda kishi jastaǵy balaǵa qol kótergen sáti beinelengen video keńinen taralýda. Atalǵan derek boiynsha Alataý aýdandyq Politsiia basqarmasy qylmystyq is qozǵady.
"Kúdikti jedel túrde anyqtalyp, ustaldy jáne ýaqytsha ustaý izoliatoryna qamaqqa alyndy.
Politsiianyń ustanymy aiqyn: balalarǵa qatysty mundai áreketterge jol berilmeidi jáne olar zań aiasynda qatań túrde toqtatylady. Qazirgi ýaqytta oqiǵanyń barlyq mán-jaiy anyqtalýda. Tergeý barysy Politsiia departamenti basshylyǵynyń baqylaýynda", - delingen habarlamada.
