Almatynyń bilim berý uiymdary úshinshi oqý toqsanynyń bastalýyna qajetti daiyndyq jumystaryn júrgizýde. Bul týraly onlain brifingte qalalyq bilim basqarmasynyń basshysy Lázzat Jylqybaeva málimdedi, dep habarlaidy QazAqparat.
Onyń aitýynsha, 5 qańtardan bastap qaladaǵy qalyptasqan jaǵdai men qabyldanǵan qaýipsizdik sharalaryna bailanysty mektepke deiingi 860 uiymnyń jumysy ýaqytsha toqtatylǵan. Olarda 71 myńnan astam bala tárbie, bilim alady.
«Tótenshe jaǵdai rejimi aiaqtalǵan soń, 20 qańtardan bastap balabaqshalar óz jumysyn bastaidy.
Bul rette qaladaǵy epidemiologiialyq jaǵdai mindetti túrde eskeriletin bolady, sondyqtan balabaqshalar kezekshi top rejiminde jumys isteýi múmkin.
Biz ata-analar men barlyq qyzmetkerlerdi mektepke deiingi mekemelerdiń jumys tártibi týraly qosymsha habardar etemiz», - dedi bilim basqarmasynyń basshysy.
