الماتىنىڭ بٸلٸم بەرۋ ۇيىمدارى ٷشٸنشٸ وقۋ توقسانىنىڭ باستالۋىنا قاجەتتٸ دايىندىق جۇمىستارىن جٷرگٸزۋدە. بۇل تۋرالى ونلاين بريفينگتە قالالىق بٸلٸم باسقارماسىنىڭ باسشىسى لەززات جىلقىباەۆا مەلٸمدەدٸ, دەپ حابارلايدى قازاقپارات.
ونىڭ ايتۋىنشا, 5 قاڭتاردان باستاپ قالاداعى قالىپتاسقان جاعداي مەن قابىلدانعان قاۋٸپسٸزدٸك شارالارىنا بايلانىستى مەكتەپكە دەيٸنگٸ 860 ۇيىمنىڭ جۇمىسى ۋاقىتشا توقتاتىلعان. ولاردا 71 مىڭنان استام بالا تەربيە, بٸلٸم الادى.
«تٶتەنشە جاعداي رەجيمٸ اياقتالعان سوڭ, 20 قاڭتاردان باستاپ بالاباقشالار ٶز جۇمىسىن باستايدى.
بۇل رەتتە قالاداعى ەپيدەميولوگييالىق جاعداي مٸندەتتٸ تٷردە ەسكەرٸلەتٸن بولادى, سوندىقتان بالاباقشالار كەزەكشٸ توپ رەجيمٸندە جۇمىس ٸستەۋٸ مٷمكٸن.
بٸز اتا-انالار مەن بارلىق قىزمەتكەرلەردٸ مەكتەپكە دەيٸنگٸ مەكەمەلەردٸڭ جۇمىس تەرتٸبٸ تۋرالى قوسىمشا حاباردار ەتەمٸز», - دەدٸ بٸلٸم باسقارماسىنىڭ باسشىسى.
