Almaty qalasyndaǵy №96 Bóbejai-balabaqshasynda taǵy bir keleńsiz jaittyń beti ashyldy. Onda tárbieshi kishkentai qyzdy julqylap, dórekilik tanytqan. Aita keteiik, bul beinejazba áleýmettik jelide qysta taraǵan, dep habarlaidy "Ult aqparat" Almaty.tv telearnasyna silteme jasap.
Belgili bolǵandai, bul oqiǵa qysta oryn alǵan. Beinejazbaǵa qatysty Almaty qalalyq bilim basqarmasy túsinikteme berdi. Birden komissiia qurylyp, balabaqshada tekserý jumystary júrgizilgen. Nátijesinde tárbieshi jumystan bosatyldy. Sondai-aq, basqarmadaǵylar mundai keleńsiz jaittardyń balabaqshada sirek kezdesedi dep sendirdi.
«Ata-analar tarapynan bizge qońyraý tússe, birden shara qoldanýǵa kóshemiz. Bas maman oqiǵa ornyna barady. Sondyqtan, barlyq fakt bizdiń nazardan tys qalmaidy. Tiisti shara qoldanylady», - deidi Almaty qalalyq bilim basqarmasynyń bas mamany Gúljan Sembaeva.
Esterińizge salaiyq, shildeniń 16 kúni balabaqshadan bala urlaýǵa áreket jasaldy. Almaty politsiiasy kúdiktini 25 shilde kúni ustady. Ol sol balabaqshanyń tárbieshsi bolyp shyqty.
