الماتى قالاسىنداعى №96 بٶبەجاي-بالاباقشاسىندا تاعى بٸر كەلەڭسٸز جايتتىڭ بەتٸ اشىلدى. وندا تەربيەشٸ كٸشكەنتاي قىزدى جۇلقىلاپ, دٶرەكٸلٸك تانىتقان. ايتا كەتەيٸك, بۇل بەينەجازبا ەلەۋمەتتٸك جەلٸدە قىستا تاراعان, دەپ حابارلايدى "ۇلت اقپارات" اlmaty.tv تەلەارناسىنا سٸلتەمە جاساپ.
بەلگٸلٸ بولعانداي, بۇل وقيعا قىستا ورىن العان. بەينەجازباعا قاتىستى الماتى قالالىق بٸلٸم باسقارماسى تٷسٸنٸكتەمە بەردٸ. بٸردەن كوميسسييا قۇرىلىپ, بالاباقشادا تەكسەرۋ جۇمىستارى جٷرگٸزٸلگەن. نەتيجەسٸندە تەربيەشٸ جۇمىستان بوساتىلدى. سونداي-اق, باسقارماداعىلار مۇنداي كەلەڭسٸز جايتتاردىڭ بالاباقشادا سيرەك كەزدەسەدٸ دەپ سەندٸردٸ.
«اتا-انالار تاراپىنان بٸزگە قوڭىراۋ تٷسسە, بٸردەن شارا قولدانۋعا كٶشەمٸز. باس مامان وقيعا ورنىنا بارادى. سوندىقتان, بارلىق فاكت بٸزدٸڭ نازاردان تىس قالمايدى. تيٸستٸ شارا قولدانىلادى», - دەيدٸ الماتى قالالىق بٸلٸم باسقارماسىنىڭ باس مامانى گٷلجان سەمباەۆا.
ەستەرٸڭٸزگە سالايىق, شٸلدەنٸڭ 16 كٷنٸ بالاباقشادان بالا ۇرلاۋعا ەرەكەت جاسالدى. الماتى پوليتسيياسى كٷدٸكتٸنٸ 25 شٸلدە كٷنٸ ۇستادى. ول سول بالاباقشانىڭ تەربيەشسٸ بولىپ شىقتى.
