Almatyda bala kútýshiniń qatygez áreketi áshkere boldy. Áiel sábidi uryp jatqan sát jasyryn beinebaqylaý kamerasyna túsip qalǵan. Bul týraly Facebook-tegi Nemolchi.kz-paraqshasynda jazyldy, dep habarlaidy QazAqparat.
Balanyń ata-anasynyń aitýynsha, kórshileri olar joq kezde balalary kóp jylaitynyn aita bastaǵan. Sol sebepti erli-zaiyptylar úige jasyryn kamera ornatqan. Keiin beinejazbadan kútýshi 1,5 jasar búldirshindi uryp-soǵatyny belgili boldy.
Aýrýhanada balanyń basynan soqqy alǵany, jumsaq tinderiniń kógergeni anyqtaldy. Qazir búldirshiniń tábeti joq jáne túnde mazasyzdanady.
Aqparatta atap ótilgendei, osy faktige qatysty QR Ákimshilik quqyq buzýshylyq týraly kodeksiniń 73-baby («Otbasy-turmystyq qatynastar salasyndaǵy zańsyz áreketter») boiynsha sotqa deiingi tergeý bastalǵan. Jaqynda ákimshilik sot ótip, sýdia isti qosymsha tergeýge qaitarǵan. Bala kútýshi Ózbekstannan kelgeni belgili.
Al Almaty qalalyq Politsiia departamenti bul is boiynsha aqparat daiyndalyp jatqanyn habarlady.
«Qazirgi ýaqytta beinejazba zerttelip jatyr. Aqparat daiyndalýda», - dedi departamenttiń baspasóz qyzmetinen.
