Almatyda azyq túlik dúkenderiniń jumysyna da karantin talaptary engizildi, dep habarlaidy QazAqparat.
Qala ákiminiń birinshi orynbasary Erlan Qojaǵapanovtyń aitýynsha, 5 adamnan artyq adam jinalǵan saýda oryndary jabylady.
«Bizge qala turǵyndarynan kóp saýaldar kelip jatyr. «Adamdar kóshege, dúkenderge barýǵa bola ma» dep surap jatyr. Azyq-túlikten basqa zat satatyn, qyzmet kórsetetin jerler túgel jabylady. Tek azyq-túlik satatyn dúkender ǵana jumys isteidi. Olardyń ózine erekshe sanitarlyq epidemiologiialyq talaptar engizip jatyrmyz. Dúkenderde 5 adamnan, uzyndyǵy 1,5-2 metrden artyq kezek bolmaýy tiis. Bul qashyqtyq arnaiy syzyqpen belgilenýi kerek. Osy talaptardy oryndamaǵan saýda oryndary mindetti túrde jabylady», - dedi E.Qojaǵapanov.
Onyń aitýynsha, ashyq aýada jappai jattyǵý jasaý, oiyn oinaý da adam aǵzasy úshin qaýipti bolmaq.
