Almatyda politseiler qalalyq avtobýstardaǵy qalta urylaryn ustady. Bul týraly Almaty politsiia departamenti bastyǵynyń tergeý jumysy jónindegi orynbasary Rýstam Abdrahmanov Instagram-paraqshasynda aitty, - dep habarlaidy Tengrinews.kz.
Quqyqbuzýshylar №7 jáne №57 baǵytyn tańdaǵan. Olar áielder men mektep oqýshylarynyń qaltalaryna túsken, er adamdardy tonamaǵan.
Urylar ustalǵan. Áiel qarbalas ýaqytynda qaltasynan telefonyn urlap jatqanyn baiqaǵan. Kúdiktiler qarsylyq kórsetýge jáne oqiǵa ornynan jasyrynýǵa tyrysqan. Alaida ekeýi de ustalyp, uialy telefon zattai dálel retinde tárkilengen. Sondai-aq, avtobýsta ornatylǵan beinebaqylaý kamerasynan alynǵan málimetter bultartpas dálel retinde sanalady.
Qazir ustalǵandarǵa qatysty sotqa deiingi tergeý amaldary júrgizilip jatyr. Olardyń bireýi - 30 jasta, ekinshisi - 31 jasta. Kúdiktiler qamaýǵa alyndy. Olardyń basqa da qylmystarǵa qatysy bar-joǵy anyqtalyp jatyr.
Ustalǵandardyń ekeýi de osyndai qylmystar úshin birneshe ret sottalǵan. Politsiia osy adamdardyń áreketterinen zardap shekken azamattardan 8 775 117 00 06 jáne 8 747 133 84 44 telefondaryna qońyraý shalýyn surady.
