Almatyda «Áigerim-2» shaǵynaýdanynda jolaýshylar avtobýsy órtendi, dep habarlaidy "Ult aqparat".
Tótenshe jaǵdai búgin, saǵat 11:00-der shamasynda bolǵan.
Qalalyq Tótenshe jaǵdai departamentiniń habarlaýynsha, qoǵamdyq kólikte jolaýshylar bolmaǵan. Órt 20 sharshy metrdi sharpyǵan.
«TJD «101» pýltine 20 sáýir kúni túski saǵat 11- ler shamasynda kýágerlerden Alataý aýdany «Áigerim-2», shaǵyn aýdanyndaǵy Qojahanov-Bemberdin kósheleriniń qiylysynda avtobýstyń janǵany týraly habarlama tústi, 7 minýttiń ishinde kelgende órt sóndirýshiler «Liaz» markaly avtobýstyń janǵanyn anyqtady. 20 sharshy metr jerdi jalyn sharpyǵan. Dereý kóbigi bar órt oqpandary janyp jatqan avtobýsty sóndirýge jáne avtobýs konstrýktsiialaryn sýytýǵa bólek órt oqpandary berildi» - dep habarlady TJD baspasóz qyzmeti.
Órt saǵat 11:22-de aýyzdyqtalyp, jeti minýtta tolyqtai sóndirildi.
