Almatyda mikroavtobýs qaqqan 61 jastaǵy áieldiń eki aiaǵyn kesýge týra keldi, dep habarlaidy "Ult aqparat".
Qalalyq qoǵamdyq densaýlyq saqtaý basqarmasy áieldiń jaǵdaiy týraly túsinik berdi.
«Áiel Shuǵyl meditsinalyq kómek berý aýrýhanasyna jetkizildi. Dárigerler qajetti meditsinalyq kómekti kórsetti. Qazir ol asa aýyr halde jansaqtaý bóliminde jatyr. Eki aiaǵyna ampýtatsiia jasaýǵa týra keldi. Travamtikalyq shok alǵan. Sol jaq jaýyryny synyp ketken», - dedi qalalyq Qoǵamdyq densaýlyq saqtaý basqarmasynyń baspasóz qyzmetinen.
Qaiǵyly oqiǵa búgin tańǵy 7-de Almaly aýdanynda boldy.
«Ford Tranzit» avtokóliginiń júrgizýshisi mas kúiinde Maqataev kóshesimen kele jatqanda Chaikovskii kóshesine jetpei avtobýs aialdamasyn soqqan. Aialdamada turǵan 61 jastaǵy áiel aýyr jaraqat aldy.
Sonyń artynan shette turǵan «Toiota Kamri» kóligin soqqannan soń aýdarylyp ketken.
«Bul derek boiynsha QR QK 345-babynyń 2-bólimimen qylmystyq is qozǵaldy. Tiisti saraptamalar taǵaiyndaldy. Júrgizýshi ýaqytsha oqshaýlaý ornyna qamaldy», - dedi PD baspasóz qyzmetinen.
