الماتىدا ميكرواۆتوبۋس قاققان 61 جاستاعى ەيەلدٸڭ ەكٸ اياعىن كەسۋگە تۋرا كەلدٸ, دەپ حابارلايدى "ۇلت اقپارات".
قالالىق قوعامدىق دەنساۋلىق ساقتاۋ باسقارماسى ەيەلدٸڭ جاعدايى تۋرالى تٷسٸنٸك بەردٸ.
«ەيەل شۇعىل مەديتسينالىق كٶمەك بەرۋ اۋرۋحاناسىنا جەتكٸزٸلدٸ. دەرٸگەرلەر قاجەتتٸ مەديتسينالىق كٶمەكتٸ كٶرسەتتٸ. قازٸر ول اسا اۋىر حالدە جانساقتاۋ بٶلٸمٸندە جاتىر. ەكٸ اياعىنا امپۋتاتسييا جاساۋعا تۋرا كەلدٸ. تراۆامتيكالىق شوك العان. سول جاق جاۋىرىنى سىنىپ كەتكەن», - دەدٸ قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن.
قايعىلى وقيعا بٷگٸن تاڭعى 7-دە المالى اۋدانىندا بولدى.
«فورد ترانزيت» اۆتوكٶلٸگٸنٸڭ جٷرگٸزۋشٸسٸ ماس كٷيٸندە ماقاتاەۆ كٶشەسٸمەن كەلە جاتقاندا چايكوۆسكيي كٶشەسٸنە جەتپەي اۆتوبۋس ايالداماسىن سوققان. ايالدامادا تۇرعان 61 جاستاعى ەيەل اۋىر جاراقات الدى.
سونىڭ ارتىنان شەتتە تۇرعان «تويوتا كامري» كٶلٸگٸن سوققاننان سوڭ اۋدارىلىپ كەتكەن.
«بۇل دەرەك بويىنشا قر قك 345-بابىنىڭ 2-بٶلٸمٸمەن قىلمىستىق ٸس قوزعالدى. تيٸستٸ ساراپتامالار تاعايىندالدى. جٷرگٸزۋشٸ ۋاقىتشا وقشاۋلاۋ ورنىنا قامالدى», - دەدٸ پد باسپاسٶز قىزمەتٸنەن.
