Almaty halyqaralyq áýejaiynda adamdar evakýatsiialandy – áýejaiǵa mina qoiylǵany týraly aqparat tústi, dep habarlaidy "Ult aqparat".
«Búgin, 10 aqpanda, 102 shuǵyl bailanys jelisine 17 saǵat 52 minýtta belgisiz bireýden qońyraý kelip tústi. Er adam Almaty halyqaralyq áýejaiyna mina qoiylǵanyn aitqan. Bul aqparat dereý Kóliktegi politsiia departamentiniń bólimshelerine habarlandy. Áýejaidaǵy adamdar evakýatsiialanyp, nysan qorshaýǵa alyndy. Qońyraý shalýshynyń kim ekenin anyqtaý jumystary da júrgizildi. Bul 1997 jyly týǵan B. degen azamat bolyp shyqty. Qazir ony Patrýldik politsiia polkiniń qyzmetkerleri ustap, Almaly aýdanynyń politsiia bólimine alyp ketti», - dep habarlady politsiia.
Bul adamnyń qalalyq psihonevrologiialyq dispanserde tirkeýde turǵany anyqtaldy. Buryn ol osyǵan uqsas áreketteri úshin qylmystyq jaýapqa tartylǵan.
«Bul fakt QR Qylmystyq kodeksiniń 273-baby boiynsha sotqa deiingi tergep-tekserýdiń biryńǵai tiziliminde tirkeldi», - dedi Almaty qalasy PD Jedel basqarý ortalyǵynyń basshysy, politsiia polkovnigi Andrei Kvashnin.
«Áýejaiǵa jarylǵysh zat qoiylǵany týraly aqparat rastalǵan joq. Qalalyq jedel-izdestirý jumystary aiaqtaldy. Dúrligip, alańdaýǵa negiz joq», - dep naqtylady politsiiadan.
