Almatyda bireýler atysyp, er adam aiaǵynan jaralandy, dep habarlaidy "Ult aqparat".
Oqys oqiǵa keshe keshki saǵat 21:00 shamasynda Qazybek bi–Muqanov kósheleriniń qiylysynda bolǵan.
Oqiǵa kýágerleriniń aitýynsha, kompiýterlik tehnika satatyn dúkenniń qasynda bireýler atysqan. Sonyń kesirinen er adam aiaǵynan jaralanǵan.
«Men dúken aralap júrgen edim. Kenet syrtta 3 ret oq atyldy. Jaralanǵan er adamnyń áieli shuǵyl jedel járdem shaqyryp jatty. Atysqan adamdar bir-birimen tanys pa ol jaǵyn bilmeimin», - dedi oqiǵany kýágeri Gúlzat Rymbaeva.
Qalalyq politsiia departamenti bul oqiǵaǵa qatysty túsinik berdi.
«Jumaliev kóshesinde ornalasqan dámhanalardyń birinde otyrǵan eki adam sózge kelip qalǵan. Onyń arty janjalǵa ulasyp, olardyń biri 37 jastaǵy jigitke pyshaq salǵan. Sol sátte ekinshisi travmatikalyq tapansha alyp oq atqan. Oqtyń biri kóshemen ótip bara jatqan 28 jastaǵy jigittiń aiaǵyna tigen. Qazir tóbeleske qatysqandar ustaldy. Bul derek boiynsha QR QK 293-babynyń 3-bólimimen tergeý amaldary bastaldy», - dedi PD baspasóz qyzmetinen.
