Ekinshi dúniejúzilik soǵys ardageri, Almaty turǵyny Japabek Moldabaev búgin 100 jasqa toldy, dep habarlaidy "Ult aqparat".
Almaly aýdandyq qorǵanys isteri basqarmasynyń áskeri qyzmetshileri qariiany úiine baryp quttyqtap qaitty.
«Almaly aýdanynda Ekinshi dúniejúzilik soǵysqa qatysqan 40 ardager bar. Ol kisilermen kúnde sóilesip turamyz. Qandai kómek kerektigin bilip turamyz», - dedi basqarma basshysy Aidar Músirepov.
Japabek Moldabaev 1920 jyly 10 naýryzda Almaty oblysy Shelek aýdanynda dúniege kelgen.
1940 jyly qazanda KSRO qarýly kúshter qataryna shaqyrylǵan. Ary qarai soǵys maidanynda 37-shi diviziiada pýlemetshi bolǵan. 1941 jyly 1 maýsymda onyń polkin Manchjýriiamen shekaralas aimaqqa kóshirgen.
Ardager Leningradty qorǵaý shebinde urysqa qatysqan, Volhov qalasyn jaýdan tazartqan.
1942 jyly Volhov qalasynda oqqa ushyp, aýyr jaraqat alǵan Japabek Babasharuly áskeri gospitalge jetkizildi.
Japabek Moldabaev «1 dárejeli UOS ardageri» ordenimen, «Qurmet» ordenimen, «Germaniiany jeńgeni úshin» ordenimen, 30-ǵa tarta medalmen marapattalǵan.
Qazir ardager 10 baladan 31 nemere, 43 shóbere súiip otyr. Jubaiymen birge jaqynda gaýhar toiyn atap ótti.
Búginde Almatyda Ekinshi dúniejúzilik soǵystyń 220 ardageri turady.
