ەكٸنشٸ دٷنيەجٷزٸلٸك سوعىس ارداگەرٸ, الماتى تۇرعىنى جاپابەك مولداباەۆ بٷگٸن 100 جاسقا تولدى, دەپ حابارلايدى "ۇلت اقپارات".
المالى اۋداندىق قورعانىس ٸستەرٸ باسقارماسىنىڭ ەسكەري قىزمەتشٸلەرٸ قارييانى ٷيٸنە بارىپ قۇتتىقتاپ قايتتى.
«المالى اۋدانىندا ەكٸنشٸ دٷنيەجٷزٸلٸك سوعىسقا قاتىسقان 40 ارداگەر بار. ول كٸسٸلەرمەن كٷندە سٶيلەسٸپ تۇرامىز. قانداي كٶمەك كەرەكتٸگٸن بٸلٸپ تۇرامىز», - دەدٸ باسقارما باسشىسى ايدار مٷسٸرەپوۆ.
جاپابەك مولداباەۆ 1920 جىلى 10 ناۋرىزدا الماتى وبلىسى شەلەك اۋدانىندا دٷنيەگە كەلگەن.
1940 جىلى قازاندا كسرو قارۋلى كٷشتەر قاتارىنا شاقىرىلعان. ارى قاراي سوعىس مايدانىندا 37-شٸ ديۆيزييادا پۋلەمەتشٸ بولعان. 1941 جىلى 1 ماۋسىمدا ونىڭ پولكٸن مانچجۋرييامەن شەكارالاس ايماققا كٶشٸرگەن.
ارداگەر لەنينگرادتى قورعاۋ شەبٸندە ۇرىسقا قاتىسقان, ۆولحوۆ قالاسىن جاۋدان تازارتقان.
1942 جىلى ۆولحوۆ قالاسىندا وققا ۇشىپ, اۋىر جاراقات العان جاپابەك باباشارۇلى ەسكەري گوسپيتالگە جەتكٸزٸلدٸ.
جاپابەك مولداباەۆ «1 دەرەجەلٸ ۇوس ارداگەرٸ» وردەنٸمەن, «قۇرمەت» وردەنٸمەن, «گەرمانييانى جەڭگەنٸ ٷشٸن» وردەنٸمەن, 30-عا تارتا مەدالمەن ماراپاتتالعان.
قازٸر ارداگەر 10 بالادان 31 نەمەرە, 43 شٶبەرە سٷيٸپ وتىر. جۇبايىمەن بٸرگە جاقىندا گاۋحار تويىن اتاپ ٶتتٸ.
بٷگٸندە الماتىدا ەكٸنشٸ دٷنيەجٷزٸلٸك سوعىستىڭ 220 ارداگەرٸ تۇرادى.
