Asa juqpaly «omikron» shtamy álemde taralyp jatyr. Bul týraly brifing barysynda Almatynyń bas sanitarlyq dárigeri Jandarbek Bekshin aitty, dep habarlaidy QazAqparat.
Onyń aitýynsha, jańa shtamm keńinen taralyp jatyr, búginde 52 elden anyqtaldy.
«Álemdegi epidemiologiialyq ahýal nasharlaýda, qatań karantin rejimi engizilýde. Dúniejúzilik densaýlyq saqtaý uiymynyń málimetteri boiynsha, jastar, sondai-aq balalar vaktsinalanbaǵandyqtan, «omikrondy» jii juqtyrady. Biz infektsiianyń taralýyna jol bermeý úshin sharalar qabyldaýymyz kerek. Bizge 20-30 jas aralyǵyndaǵy jastardy vaktsinalaýdy jedeldetý, revaktsinatsiiany jalǵastyrý jáne aldaǵy merekelerde buqaralyq is-sharalardy ótkizýdi shekteý qajet», - deidi Jandarbek Bekshin.
Sonymen qatar, ol «omikron» «delta» shtamyna qaraǵanda eki ese tez taralýy múmkin ekenin aityp ótti. Almatylyqtarǵa qoǵamdyq oryndarǵa barmaýǵa jáne Jańa jyl merekesin otbasylyq ortada atap ótýdi usyndy.
Jandarbek Bekshin QR Bas memlekettik sanitarlyq dárigeriniń 20 qazandaǵy №47 qaýlysymen saltanatty, estelik, otbasylyq is-sharalardy (banketter, úilený toilary, mereitoilar) Ashyq jobasyna qatysýshy obektilerde 50% aspaityn, biraq árqaisysynda «jasyl» mártebesi bar 100 adamnan aspaityn toltyrý kezinde ótkizýge jol beriletinin eske saldy.
«Alaida Ashyq jobasyna qatyspaityn nysandarda is-sharalar ótkizýge tyiym salynady», - dedi ol.
