Almatyda ashylǵan nysandarda sanitarlyq normalardyń birqatar buzýshylyqtary anyqtaldy, dep habarlaidy QazAqparat.
Ákimdik, politsiia departamenti, SES jáne «Atameken» kásipkerler palatasynyń ókilderinen turatyn arnaiy jumys toby sulýlyq salondary, iri azyq-túlik satatyn bazarlar, sýpermarketter men tehnika dúkenderin tekserdi.
Tekserý kezinde komissiia sanitaizerler men teplovizorlarǵa nazar aýdardy. Sonymen qatar, kelýshiler men satýshylardyń jeke qorǵanys quraldarymen qamtamasyz etilýin qadaǵalady ( maska, qolǵap). Qashyqtyqty saqtaityn arnaiy belgilerdiń ornatylýyn tekserdi.
Reid barysynda sanitarlyq talaptardy oryndamaǵandar kóptep kezdesti. Máselen,ortalyq ámbebap dúkende satýshylar qolǵapsyz jumys istedi, kireberiske sanitaizer men teplovizor ornatylmaǵan. Sórelerde qaptalmaǵan nan ónimderi boldy.
Dál osyndai kórinisti «Kók bazardan» da baiqaýǵa bolady. Munda da sanitarlyq talaptar saqtalmaǵan.
«Barlyǵyn tezdetip retke keltirýlerińizdi suraimyn. Munda bir jaqty qozǵalys bolýy kerek. Adamdar toptalyp jinalyp qalmaýy tiis. Áleýmettik qashyqtyqty saqtańyzdar. Dezinfektsiialyq týnnelder ornatylýy kerek. Teplovizorlaryńyz isten shyqqan. Rezervte basqasy bolýy shart. Men muny óreskel buzýshylyq dep sanaimyn», - dedi qalanyń bas memlekettik sanitarlyq dárigeri Jandarbek Bekshin.
Sonymen qatar, komissiia músheleri kelýshiler ǵimaratqa kirgen kezde antiseptikterdi qoldanýy kerektigin aitty. Al kúzet osynyń bárin qadaǵalap, eskertip otyrýy qajet.
Al sulýlyq salondaryndaǵy qyzmetkerler sanitarlyq talaptarmen tolyq tanys bolmai shyqty.
«Qyzmetkerler maskalardy qanshalyqty jii aýystyrý kerektigin bilmeidi, ár 20 minýt saiyn deidi. Is júzinde ár 2-3 saǵat saiyn aýystyrý kerek. Olar sondai-aq aýyz ben muryndy tolyǵymen jabýy qajet. Sheberler arasyndaǵy qashyqtyq 1,5-2 metr bolýy tiis», - dep túsindirdi qalanyń bas sanitar dárigeri sulýlyq salonynyń ákimshisine.
Jandarbek Bekshinniń aitýynsha, anyqtalǵan kemshilikter boiynsha hattamalar toltyrylady.
«Anyqtalǵan buzýshylyqtar, eskertýler men kemshilikter negizinde aýdandyq bas sanitar dárigeri hattama toltyrady. Sonymen qatar, biz kórsetken kemshilikterdi joiý tapsyryldy. Aiyppuldyń mólsheri tórt million teńgege jetedi. Túrli jeńildikter bar, eger aiyppul bir apta ishinde tólense, onda onyń mólsheri 50% deiin qysqarady. Munyń bári biznestiń qai kategoriiaǵa jatatynyna bailanysty»,– dedi Bekshin.
Onyń aitýynsha, monitoring toby tek qalada ǵana emes, aýdandyq ákimdikterde de qurylǵan. Búgingi tańda 3000-nan astam nysan tekserildi, 91 obekti boiynsha óreskel zań buzýshylyqtar anyqtalyp, ákimshilik aiyppuldar salyndy.
Buǵan deiin, Almaty qoǵamdyq kólikterde reidter júrgiziletini týraly habarlaǵan bolatynbyz.
