الماتىدا اشىلعان نىسانداردا سانيتارلىق نورمالاردىڭ بٸرقاتار بۇزۋشىلىقتارى انىقتالدى, دەپ حابارلايدى قازاقپارات.
ەكٸمدٸك, پوليتسييا دەپارتامەنتٸ, سەس جەنە «اتامەكەن» كەسٸپكەرلەر پالاتاسىنىڭ ٶكٸلدەرٸنەن تۇراتىن ارنايى جۇمىس توبى سۇلۋلىق سالوندارى, ٸرٸ ازىق-تٷلٸك ساتاتىن بازارلار, سۋپەرماركەتتەر مەن تەحنيكا دٷكەندەرٸن تەكسەردٸ.
تەكسەرۋ كەزٸندە كوميسسييا سانيتايزەرلەر مەن تەپلوۆيزورلارعا نازار اۋداردى. سونىمەن قاتار, كەلۋشٸلەر مەن ساتۋشىلاردىڭ جەكە قورعانىس قۇرالدارىمەن قامتاماسىز ەتٸلۋٸن قاداعالادى ( ماسكا, قولعاپ). قاشىقتىقتى ساقتايتىن ارنايى بەلگٸلەردٸڭ ورناتىلۋىن تەكسەردٸ.
رەيد بارىسىندا سانيتارلىق تالاپتاردى ورىنداماعاندار كٶپتەپ كەزدەستٸ. مەسەلەن,ورتالىق ەمبەباپ دٷكەندە ساتۋشىلار قولعاپسىز جۇمىس ٸستەدٸ, كٸرەبەرٸسكە سانيتايزەر مەن تەپلوۆيزور ورناتىلماعان. سٶرەلەردە قاپتالماعان نان ٶنٸمدەرٸ بولدى.
دەل وسىنداي كٶرٸنٸستٸ «كٶك بازاردان» دا بايقاۋعا بولادى. مۇندا دا سانيتارلىق تالاپتار ساقتالماعان.
«بارلىعىن تەزدەتٸپ رەتكە كەلتٸرۋلەرٸڭٸزدٸ سۇرايمىن. مۇندا بٸر جاقتى قوزعالىس بولۋى كەرەك. ادامدار توپتالىپ جينالىپ قالماۋى تيٸس. ەلەۋمەتتٸك قاشىقتىقتى ساقتاڭىزدار. دەزينفەكتسييالىق تۋننەلدەر ورناتىلۋى كەرەك. تەپلوۆيزورلارىڭىز ٸستەن شىققان. رەزەرۆتە باسقاسى بولۋى شارت. مەن مۇنى ٶرەسكەل بۇزۋشىلىق دەپ سانايمىن», - دەدٸ قالانىڭ باس مەملەكەتتٸك سانيتارلىق دەرٸگەرٸ جانداربەك بەكشين.
سونىمەن قاتار, كوميسسييا مٷشەلەرٸ كەلۋشٸلەر عيماراتقا كٸرگەن كەزدە انتيسەپتيكتەردٸ قولدانۋى كەرەكتٸگٸن ايتتى. ال كٷزەت وسىنىڭ بەرٸن قاداعالاپ, ەسكەرتٸپ وتىرۋى قاجەت.
ال سۇلۋلىق سالوندارىنداعى قىزمەتكەرلەر سانيتارلىق تالاپتارمەن تولىق تانىس بولماي شىقتى.
«قىزمەتكەرلەر ماسكالاردى قانشالىقتى جيٸ اۋىستىرۋ كەرەكتٸگٸن بٸلمەيدٸ, ەر 20 مينۋت سايىن دەيدٸ. ٸس جٷزٸندە ەر 2-3 ساعات سايىن اۋىستىرۋ كەرەك. ولار سونداي-اق اۋىز بەن مۇرىندى تولىعىمەن جابۋى قاجەت. شەبەرلەر اراسىنداعى قاشىقتىق 1,5-2 مەتر بولۋى تيٸس», - دەپ تٷسٸندٸردٸ قالانىڭ باس سانيتار دەرٸگەرٸ سۇلۋلىق سالونىنىڭ ەكٸمشٸسٸنە.
جانداربەك بەكشيننٸڭ ايتۋىنشا, انىقتالعان كەمشٸلٸكتەر بويىنشا حاتتامالار تولتىرىلادى.
«انىقتالعان بۇزۋشىلىقتار, ەسكەرتۋلەر مەن كەمشٸلٸكتەر نەگٸزٸندە اۋداندىق باس سانيتار دەرٸگەرٸ حاتتاما تولتىرادى. سونىمەن قاتار, بٸز كٶرسەتكەن كەمشٸلٸكتەردٸ جويۋ تاپسىرىلدى. ايىپپۇلدىڭ مٶلشەرٸ تٶرت ميلليون تەڭگەگە جەتەدٸ. تٷرلٸ جەڭٸلدٸكتەر بار, ەگەر ايىپپۇل بٸر اپتا ٸشٸندە تٶلەنسە, وندا ونىڭ مٶلشەرٸ 50% دەيٸن قىسقارادى. مۇنىڭ بەرٸ بيزنەستٸڭ قاي كاتەگوريياعا جاتاتىنىنا بايلانىستى»,– دەدٸ بەكشين.
ونىڭ ايتۋىنشا, مونيتورينگ توبى تەك قالادا عانا ەمەس, اۋداندىق ەكٸمدٸكتەردە دە قۇرىلعان. بٷگٸنگٸ تاڭدا 3000-نان استام نىسان تەكسەرٸلدٸ, 91 وبەكتٸ بويىنشا ٶرەسكەل زاڭ بۇزۋشىلىقتار انىقتالىپ, ەكٸمشٸلٸك ايىپپۇلدار سالىندى.
بۇعان دەيٸن, الماتى قوعامدىق كٶلٸكتەردە رەيدتەر جٷرگٸزٸلەتٸنٸ تۋرالى حابارلاعان بولاتىنبىز.
