Almatyda asfalt opyrylyp, jolda úlken shuńqyr paida boldy, dep habarlaidy "Ult aqparat".
Oqys oqiǵanyń videosy áleýmettik jelide taralǵan.
«Almaty qalasy Alataý aýdany Aqshaǵyl kóshesi. Eki kún buryn qubyr jarylǵan. Eshkim eshteńe istemedi. Aqyry asfalt opyrylyp túsken», - dedi jazba avtory.
Bul oqiǵaǵa qatysty qalalyq ákimdik túsinikteme berdi.
«Kók-Qainar» shaǵynaýdanynda (Shańyraq-5) 2012 jyly Almaty qalasy energotiimdilik jáne infraqurylymdyq damý basqarmasynyń tapsyrysy boiynsha sýmen jabdyqtaý jelileri júrgizilip, paidalanýǵa berilgen bolatyn. Qazirgi ýaqytta «Almaty Sý» MKK qyzmet kórsetedi. 2020 jyldyń 20 jeltoqsanynda saǵat 8:00-de «Almaty SÝ» MKK-na atalǵan másele boiynsha turǵyndardan ótinim kelip tústi. Kókqainar (Shańyraq-5) shaǵynaýdanynda Aqshaǵyl kóshesiniń boiynda diametri 160 mm sý ótkizgish qubyr ornalasqan Aqshaǵyl 119/2 meken-jaiyna jaqyn jerde qubyr jaryldy. Qazirgi ýaqytta «Almaty Sý» tarapynan jóndeý-qalpyna keltirý jumystary jedel júrgizilip jatyr. Jóndeý jumystary aiaqtalǵannan keiin jol jabyny mindetti túrde qalpyna keltiriledi», - dedi ákimdikten.
Atalǵan ýchaskege 30 úi qosylǵan. Bul úilerge esh zaqym kelmegen.
