Almatynyń Alataý aýdanynda jolaýshylar avtobýsy kele jatqan kósheniń asfalty opyrylyp, qoǵamdyq kólik shuńqyrǵa túsip ketti, - dep habarlaidy Tengrinews.kz agenttigi.
"Qaiyrly tań. Alataý aýdany, Mádeniet (Rahat) yqshamaýdanynda ne bolyp jatqanyn jariialańyzdarshy. Bári opyrylyp jatyr. Bizde eshqashan jol jóndelgen emes, tek jamaýdyń ústine jamaý. Ony da joǵarydan bireý kelgende ǵana jasaidy. Tipti jaiaý júretin jol da joq, bári jaramsyz. Kólikter men avtobýstar óte almaidy", - delingen habarlamada.
Almaty ákimdigi Energetika basqarmasynyń málimetinshe, qazir mamandar kórsetilgen mekenjaiǵa jóneltilgen.
""Sviazstroimehanizatsiia" JShS merdiger uiymy basshylyǵynyń buiryǵymen kepildi mindetteme negizinde Rahat (Mádeniet) shaǵynaýdanynda magistraldyq sý qubyry jáne káriz jelileriniń qurylysy boiynsha qurylys-montaj jumystary 2019 jyly aiaqtaldy. Aqaýlar signaldyq taspamen qorshalǵan, jaqyn arada jóndeý jumystary júrgiziledi. Keltirilgen qolaisyzdyqtar úshin keshirim suraimyz", - dep habarlady Almaty ákimdiginiń energetika basqarmasy.
