Foto: Muftyat.kz
Almaty qalasynyń Ortalyq meshitinde «As berý mádenieti: salt sabaqtastyǵy, urpaq ulaǵaty» taqyrybynda ziialy qaýym ókilderiniń pikiralmasý jiyny ótti. Sharany Qazaqstan Jazýshylar odaǵy men Almaty Ortalyq meshiti uiymdastyrdy, dep habarlaidy Ult.kz.
Jiynǵa qalamgerler, qala ákimdiginiń ókilderi, imamdar, QMDB jáne BAQ ókilderi qatysty. Is-sharany QMDB janyndaǵy Islam ǵylymi-zertteý institýtynyń direktory, islamtanýshy ǵalym Tóráli Qydyr júrgizdi.
Qazaqstan Jazýshylar odaǵynyń tóraǵasy Mereke Qulkenov as berý mádenietin qalyptastyrýdyń mańyzdylyǵyn atap ótip, múftiiattyń arnaiy qujat qabyldaýyn der kezinde jasalǵan qadam dep baǵalady.
QMDB-nyń «Din men Dástúr» bóliminiń basshysy Nurbek Esmaǵanbet Bas múftidiń sálemin jetkizip, óńirlerde as berý tártibin birizdilikke túsirý jumystary júrip jatqanyn aitty.
Almaty Ortalyq meshitiniń bas imamy Tólebi Dádiluly marqumdy shyǵaryp salý rásiminde ysyrapqa jol bermeý jáne shariǵatqa sai atqarý qajettigin kóterdi. Ol qonaq asyn úide berý, janaza namazyn meshit aýlasynan shyǵarý jáne QMDB bekitken mázirdi ustaný usynysyn aitty.
Jiynda jazýshy Kádirbek Segizbai, halyq jazýshysy Smaǵul Elýbai, professor Shamshádin Kerim jáne basqa da ziialy qaýym ókilderi as berý mádenietin bir júiege keltirý boiynsha pikirlerin bildirip, QMDB bastamasyn qoldady.
