Foto: Ashyq derekkóz
Almatydaǵy Almaly aýdandyq sotynda óziniń áriptesin abaisyzda atyp óltirgen politseige úkim shyqty, dep habarlaidy Almaty soty.
Qaiǵyly oqiǵa byltyr jazda bolǵan.
"Sottalýshy ǵimaratty kúzetý boiynsha aýysymǵa kelgen. Ári qarai sottalýshynyń áriptesi tabeldik qarýdy alǵannan keiin "K" esimdi sottalýshydan belbeýin bekitý úshin qarýdy ustai turýyn ótingen. Tabeldik qarýdy alǵan sottalýshy qarýdy qoldanýdyń barlyq erejelerin elemei, qarýdy tómen jáne joǵary terbete bastaǵan. Saldarynan sottalýshynyń abaisyzda atqan oǵy marqumnyń basyna tigen", - delingen qalalyq sot habarlamasynda.
Sottalýshy óz kinásin tolyq moiyndap, jasaǵan isine ókingen. Al prokýror 1 jyl 6 aiǵa bas bostandyǵynan aiyrý jazasyn suraǵan.
"Sot Qylmystyq kodekstiń 104-babynyń 1-bóligimen sottalýshyny 1 jyl 6 ai bas bostandyǵynan aiyrýǵa úkim shyǵardy. Sottalýshydan jábirlenýshiniń paidasyna 10 mln teńge moraldyq zalal jáne shamamen 3,5 mln teńge materialdyq zalal óndirip alyndy", - deidi vedomstvo.
Aiyptalýshynyń kinásin moiyndaýy jáne onyń jastyǵy jazany jeńildetken. Is boiynsha aýyrlatatyn mán-jailar anyqtalǵan joq. Úkim zańdy kúshine áli engen joq jáne apelliatsiialyq tártipte shaǵymdanýǵa bolady, deidi Almaty soty.
