Almaty oblysynyń týmalary piramidalyq chat quryp, aqsha jymqyrýmen ainalysqan, dep habarlaidy "Ult aqparat".
Olar qarjylyq chatta jinalǵandardyń aqshasy kóbeiip otyrady dep aldaǵan.
Shyn máninde salymshylardyń eshqaisysy aqsha almaǵan.
«Bizdiń bólimsheniń tergeýshileri WhatsApp arnaiy qarjylyq piramida chatyn qurǵan ápkeli-sińlilerdiń isin tergep jatyr. Olar salymshylarǵa iri kólemde tabys túsedi dep aldaǵan. Qyzdar áleýmettik jelide múmkindik izdegen, tabysqa muqtaj adamdardy izdegen. Tanysqannan soń ózderiniń biznes jobasymen aqsha tabýdy usynǵan. Olarmen senimdi qatynas ornatqan soń ai saiyn turaqty tabys tabýǵa bolatyndyǵyn aitqan. Bastapqyda 100 myń teńgeden kem salmaǵan jaǵdaida 1 aidan soń 150 myń teńge tabys túsedi dep ýáde etken. Aqsha arnaiy shotqa túsken soń eshkimge qaitpaǵan. Osylaisha tabys tappaǵan 76 adam politsiiaǵa aryzdandy. QR QK 190-babynyń 4-bólimimen tergeý isi bastaldy», - dedi Medeý aýdandyq PB basshysy Dáýren Ótebaev.
Qyzdardyń áreketinen japa shekken azamattar bolsa 254-48-02; 254-48-09 nemese 8-700-379-79-09 nómirlerine habarlasýǵa bolady.
