Foto: qazdauiri.kz
Almatyda birneshe adam "Amir Capital" qarjy piramidasyn uiymdastyryp, basqardy degen kúdikke ilindi. Kúdiktilerdiń biri eki aiǵa qamaýǵa alyndy, dep habarlaidy Qarjylyq monitoring agenttigi.
Ózin halyqaralyq investitsiialyq qor retinde tanystyrǵan Amir Capital kompaniiasy úsh jyl boiy Qazaqstan, Belarýs, Resei jáne Qyrǵyzstan azamattarynan qarjy tartqan. Kompaniia ókilderi kriptovaliýta saýdasy, maining jáne túrli investitsiialyq jobalar arqyly 5–10% mólsherinde tabys ýáde etken.
"Investorlar kompaniianyń resmi saity arqyly arnaiy referaldy siltememen tirkelgen. Jeke kabinetterge qarajatty engizý kriptovaliýta túrinde (USDT, BTC, ETH) Amir Wallet ámiiany arqyly júzege asqan", – delingen agenttik habarlamasynda.
Túsken qarajat qarjy piramidasy qaǵidaty boiynsha bólinip otyrǵan — iaǵni, buryn tirkelgen qatysýshylarǵa tólemder keiingi salymshylardyń qarjysy esebinen júrgizilgen.
Nátijesinde, bul qarjy piramidasyna 40-tan astam adam tartylǵan.
2021 jyldyń sońynda salymshylar amir.capital platformasyndaǵy jeke kabinetterinen qarajat shyǵara almai qalǵan. Uiymdastyrýshylar bul jaǵdaidy tehnikalyq aqaýmen túsindirip, tólemderdi qaita jandandyrýǵa ýáde bergen. Alaida keiin qarajatqa qol jetkizý múmkindigi qalpyna keltirilmegen.
"Sot quny 10 million AQSh dollarynan asatyn kriptoaktivter men Almaty oblysyndaǵy jer telimin buǵattaýǵa sanktsiia berdi", – dep habarlady agenttik.
Qazirgi ýaqytta tergeý jalǵasyp jatyr. Qazaqstan Respýblikasynyń Qylmystyq-protsestik kodeksiniń 201-babyna sáikes, tergeýge qatysty ózge aqparat jariia etilmeidi.
