Foto: Polisia.kz
Almaty qalasynda páter urlyǵyna qatysy bar degen kúdikpen bes adam qolǵa tústi. Olar jedel-izdestirý sharalary barysynda ustalǵan, dep habarlaidy Ult.kz.
Tergeý málimetinshe, kúdiktiler kóbinese úilerge tereze arqyly kirip, altyn buiymdardy urlaǵan. Bir aidyń ishinde shamamen 10 páterdi tonap úlgergen.
Keltirilgen materialdyq shyǵyn kólemi 20 million teńgege jýyqtaǵan. Qazirgi ýaqytta kúdiktiler ýaqytsha ustaý izoliatoryna qamalyp, qylmystyq is boiynsha tergeý júrgizilýde.
Quqyq qorǵaý organdary oqiǵanyń barlyq mán-jaiyn anyqtap jatyr.
