Foto: QR TsDIAÓM baspasóz qyzmeti
Almatyda ótken AlmatyFair.ai kórmesine Qazaqstan Respýblikasynyń Prezidenti Qasym-Jomart Toqaev pen Ózbekstan Respýblikasynyń Prezidenti Shavkat Mirziioev qatysty, dep habarlaidy Ult.kz.
Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Jaslan Mádiev kórme barysynda alem.ai Halyqaralyq jasandy intellekt ortalyǵyn tanystyrdy. Bul ortalyq jasandy intellekt salasynda bilim berip, startaptardy damytýǵa arnalǵan. Munda 9-11 synyp oqýshylaryna arnalǵan Tomorrow School Junior bilim berý ortalyǵy jáne 01Edu System platformasyna negizdelgen Tomorrow School ózara oqytý júiesi jumys isteidi. Sondai-aq, jasandy intellekt kampýsy, inkýbatsiialyq jáne akseleratsiialyq baǵdarlamalarǵa arnalǵan alańdar, sondai-aq halyqaralyq tehnologiialyq kompaniialardyń JI jáne zertteý ortalyqtary ashylady.
"Alem.ai jasandy intellekt salasyndaǵy zertteýler men startaptar úshin negizgi platformaǵa ainalady. Bul ortalyq qazaqstandyq JI sheshimderiniń eksportyn arttyryp, Ortalyq Aziianyń ziiatkerlik ortalyǵyna ainalýǵa yqpal etedi", – dedi Jaslan Mádiev.
Memleket basshylaryna baǵdarlamalaý daǵdylarynsyz JI-assistentter jasaýǵa múmkindik beretin Ulttyq jasandy intellekt platformasy tanystyryldy. Sondai-aq, proaktivti memlekettik qyzmetter men áleýmettik ámiian arqyly usynylatyn memlekettik qoldaý sharalary kórsetildi.
Foto: QR TsDIAÓM baspasóz qyzmeti
JI jobalaryn júzege asyrý úshin úlken esepteý qýaty qajet. Osyǵan bailanysty Qazaqstanda 200 MVt qýaty bar eki iri derekterdi óńdeý ortalyǵy (DÓO) salynady. Prezidentterge bul ortalyqtardyń Aqmola jáne Qaraǵandy oblystarynda ornalasatyny jáne Singapýrlyq GK Hyperscale Ltd kompaniiasynyń qatysýymen júzege asatyny týraly aityldy.
Ózbekstannyń IT Park bas direktory Abdýlahat Qýchkarov pen Astana Hub bas direktory Maǵjan Mádiev Central Asian Innovation Hubs – Ortalyq Aziianyń eń iri tehnoparkter aliansyn tanystyrdy. 2024 jyly eki eldiń tehnoparkteri osy brend aiasynda birigip, innovatsiialardy jahandyq deńgeide ilgeriletýge jáne halyqaralyq tehnologiialyq is-sharalarǵa qatysýǵa nietti. AlmatyFair.ai kórmesinde taraptar Qazaqstan men Ózbekstannyń IT kompaniialaryn halyqaralyq naryqqa shyǵarý týraly memorandýmǵa qol qoidy. 2025 jyly BAÁ men Qytaida tehnologiialyq habtar ashý josparlanyp otyr.
Sondai-aq, memleket basshylaryna 1 million adamdy JI daǵdylaryna úiretýge baǵyttalǵan baǵdarlama tanystyryldy. AI People bastamasy aiasynda 2025 jyly Ortalyq Aziiada 60 000 adamdy oqytý kózdelgen. AI Kyzmet bastamasy aiasynda memlekettik qyzmetkerler úshin JI sertifikattaý baǵdarlamasy iske asyrylady, al AI Corporate bastamasy korporativtik sektorda JI quzyretterin damytýǵa baǵyttalǵan.
Kórmede innovatsiialyq JI jobalar usynyldy. Higgsfield OpenAI men Anthropic analogy bolyp tabylatyn irgeli JI modelderin ázirleýde. Dereknet jer qoinaýyn tsifrlyq beineleýge arnalǵan JI tehnologiialaryn tanystyrdy. Taisan akkýmýliator energiiasynyń tyǵyzdyǵyn arttyratyn jáne óndiris shyǵyndaryn tómendetetin innovatsiialyq materialdardy kórsetti. VR Uniblock jańa býyn symsyz bailanys júiesin usyndy, al Codiplay balalarǵa programmalaýdy úiretetin oiyn platformasyn tanystyrdy.
Prezidentter AlmatyFair.ai kórmesiniń joǵary deńgeide uiymdastyrylǵanyn atap ótip, Qazaqstan men Ózbekstandaǵy jasandy intellekt ekojúiesin damytý mańyzdylyǵyn erekshe baǵalady.
