Almatyda «Álihan Bókeihanov. Dáýir adamy» («Alihan Býkeihanov. Chelovek-epoha») kitabynyń tusaýkeseri ótti, dep habarlaidy QazAqparat tilshisi.
Kitap avtory Reseilik azamat, tarih ǵylymdarynyń doktory, professor, Sibir basqarý jáne buqaralyq kommýnikatsiialar akademiiasynyń teń quryltaishysy jáne rektory Viktor Ivanovich Kozodoi.
Ǵalymnyń aitýynsha, Alash qairatkeri Álihan Bókeihanov jaily eńbegin muraǵattan alynǵan aqparattarǵa súiene otyryp jazǵan.
«Qazaqstannyń belgili tarih institýtynda kitabymnyń tusaýkeserin ótkizý men úshin zor mártebe. Kitap jazýdaǵy basty maqsatym reseilik oqyrmandardy qazaqtyń asyl tulǵasy Álihan Bókeihanovpen tanystyrý boldy. Kitapqa «Álihan Bókeihanov. Dáýir adamy» degen at qoidym. Nege? Sebebi, Álihan Bókeihanovtai tarihi tulǵany bir dáýirmen teńestirýge bolady», - dedi ol.
Sondai-aq, kitap avtory Alashorda úkimetiniń jetekshisi týraly biri bilse, biri bile bermeitin derekterdi de óz týyndysyna qosqanyn aitty.
Sh.Ýálihanov atyndaǵy Tarih jáne etnologiia institýtynda ótken saltanatty sharaǵa ǵalymdar, saiasattanýshylar, tarihshylar, ólketanýshylar, BAQ ókilderi qatysty.
Shara barysynda QR Ulttyq ǵylym Akademiiasynyń Vitse-prezidenti, fizika-matematika ǵylymdarynyń doktory, professor Maqsat Qalimoldaev kitap avtoryna Qurmet gramotasyn tabystap, ústine shapan japty.
