الماتىدا «ەليحان بٶكەيحانوۆ. دەۋٸر ادامى» («اليحان بۋكەيحانوۆ. چەلوۆەك-ەپوحا») كٸتابىنىڭ تۇساۋكەسەرٸ ٶتتٸ, دەپ حابارلايدى قازاقپارات تٸلشٸسٸ.
كٸتاپ اۆتورى رەسەيلٸك ازامات, تاريح عىلىمدارىنىڭ دوكتورى, پروفەسسور, سٸبٸر باسقارۋ جەنە بۇقارالىق كوممۋنيكاتسييالار اكادەميياسىنىڭ تەڭ قۇرىلتايشىسى جەنە رەكتورى ۆيكتور يۆانوۆيچ كوزودوي.
عالىمنىڭ ايتۋىنشا, الاش قايراتكەرٸ ەليحان بٶكەيحانوۆ جايلى ەڭبەگٸن مۇراعاتتان الىنعان اقپاراتتارعا سٷيەنە وتىرىپ جازعان.
«قازاقستاننىڭ بەلگٸلٸ تاريح ينستيتۋتىندا كٸتابىمنىڭ تۇساۋكەسەرٸن ٶتكٸزۋ مەن ٷشٸن زور مەرتەبە. كٸتاپ جازۋداعى باستى ماقساتىم رەسەيلٸك وقىرمانداردى قازاقتىڭ اسىل تۇلعاسى ەليحان بٶكەيحانوۆپەن تانىستىرۋ بولدى. كٸتاپقا «ەليحان بٶكەيحانوۆ. دەۋٸر ادامى» دەگەن ات قويدىم. نەگە? سەبەبٸ, ەليحان بٶكەيحانوۆتاي تاريحي تۇلعانى بٸر دەۋٸرمەن تەڭەستٸرۋگە بولادى», - دەدٸ ول.
سونداي-اق, كٸتاپ اۆتورى الاشوردا ٷكٸمەتٸنٸڭ جەتەكشٸسٸ تۋرالى بٸرٸ بٸلسە, بٸرٸ بٸلە بەرمەيتٸن دەرەكتەردٸ دە ٶز تۋىندىسىنا قوسقانىن ايتتى.
ش.ۋەليحانوۆ اتىنداعى تاريح جەنە ەتنولوگييا ينستيتۋتىندا ٶتكەن سالتاناتتى شاراعا عالىمدار, ساياساتتانۋشىلار, تاريحشىلار, ٶلكەتانۋشىلار, باق ٶكٸلدەرٸ قاتىستى.
شارا بارىسىندا قر ۇلتتىق عىلىم اكادەميياسىنىڭ ۆيتسە-پرەزيدەنتٸ, فيزيكا-ماتەماتيكا عىلىمدارىنىڭ دوكتورى, پروفەسسور ماقسات قاليمولداەۆ كٸتاپ اۆتورىنا قۇرمەت گراموتاسىن تابىستاپ, ٷستٸنە شاپان جاپتى.
