Foto: videodan salynǵan skrin
Almatyda áleýmettik jeliler arqyly pnevmatikalyq jáne sýyq qarýdy zańsyz satý derekteri anyqtaldy. Bul týraly qalalyq Politsiia departamenti habarlady.
Vedomstvo málimetinshe, monitoring nátijesinde kúmándi akkaýnttar anyqtalyp, jedel-izdestirý is-sharalary júrgizilgen. Sonyń nátijesinde zańsyz ainalymnan pnevmatikalyq qarýlar men sýyq qarý túrleri tárkilendi.
Atalǵan derek boiynsha qylmystyq is qozǵalyp, qajetti tergeý amaldary júrgizilip jatyr.
Politsiianyń málimetinshe, jyl basynan beri júrgizilgen jedel is-sharalar nátijesinde zańsyz ainalymnan 619 tyiym salynǵan zat tárkilengen.
Almaty qalalyq PD qoǵamdyq qaýipsizdik basqarmasynyń bastyǵy Timýr Noǵaibaevtyń aitýynsha, áleýmettik jelilerdegi zańsyz qarý saýdasy qoǵamdyq qaýipsizdikke úlken qaýip tóndiredi.
«Mundai quqyq buzýshylyqtar aýyr qylmystardyń jasalý qaýpin arttyrady. Internet keńistigi turaqty baqylaýda, bul baǵyttaǵy jumys kúsheitiledi», – dedi ol.
Aita keteiik, buǵan deiin zańsyz ainalymnan 25 atys qarýy tárkilengen.
