Almatyda esirtki kontrabandasymen kúrestiń álem tarihynda kólemi jaǵynan ekinshi geroin partiiasy joiyldy. Bul týraly Qarjy monitoringi komitetin habarlady.
Almaty qalasy boiynsha Ekonomikalyq tergeý departamentiniń qyzmetkerleri arnaiy komissiianyń qatysýymen jalpy salmaǵy 1,1 tonnadan asatyn geroinniń asa iri partiiasyn joidy.
Esirtkini Komitet qyzmetkerleri Germaniianyń qylmystyq keden politsiiasymen birlesip, sondai-aq Resei, Belarýs, Litva, Polsha jáne Niderlandy quqyq qorǵaý jáne keden qyzmetteriniń kómegimen ótkizgen halyqaralyq arnaiy operatsiia nátijesinde tárkilegen.
Osylaisha, 2019 jyldyń qazan aiynda Qazaqstan aýmaǵyna «óńdelgen mármár» degen ataýmen júk ákelindi. Niderlandyǵa jóneltilgen taýardy tekserý kezinde tergeýshiler geroin bar 2208 briketti anyqtady. Uiymdasqan qylmystyq top esirtki tranzitin Irannan Eýropalyq Odaq elderine ótkizýdi josparlaǵan.
Atalaǵan esirtkiniń bir bóligi, Qarjy monitoring qyzmetkerleriniń baqylaýymen Germaniiaǵa jetkizildi, munda taýardy alý kezinde, Túrkiia eliniń azamattary ustalǵan bolatyn.
Qazirgi ýaqytta atalǵan is boiynsha QR QK-niń 286-babyna sáikes sotqa deiingi tergeý amaldary júrgizilýde.
