Almatyda alaiaqtyq jolmen Instagram jelisinde jaqsy qaralymǵa ie paraqshalardy satqan stýdent ustaldy, dep habarlaidy "Ult aqparat".
Politsiianyń málimetinshe, 2001 jyly týǵan A. esimdi azamattyń is júzinde óz paraqshasy bolmaǵan. Ol Instagram jelisinde jaqsy qaralymǵa ie paraqshalardy satatyny týraly habarlandyrýdy, tanymal internet-resýrstarǵa ornalastyrǵan. Qaladaǵy JOO-nyń birinde oqityn birinshi kýrs stýdenti buryn osyǵan uqsas quqyq buzýshylyqtar úshin jaýapqa tartylǵany anyqtaldy.
«Kúdikti óziniń habarlamasynda kóptegen jazylýshylary bar instagram paraqshalaryn usynǵan. Sáikesinshe, onyń jábirlenýshileri ózi siiaqty stýdentter men jeke kásipkerler bolǵan. Olar sol paraqsha arqyly ózderiniń taýarlaryn ótkizbekshi edi. Kelisý kezinde kúdikti paraqqa aldyn ala tólem jasaýdy talap etken. Ol óziniń bank kartasyna 10 myń teńgeden 100 myń teńgege deiin saldyrǵan. Sodan keiin baryp login men paroldi beremin dep ýáde etken. Biraq sózinde turmaǵan, aqshany alǵannan keiin ol óziniń «klientin» buǵattap, joq akkaýntardy «saýdalaýdy» jalǵastyrdy. Keibir adamdar onyń túrin kórý úshin videoqońyraý shalǵan. Ol qońyraýlarǵa batyl jaýap berip, sózine sendirgen», - deidi Áýezov aýdandyq politsiia basqarmasynyń bastyǵy Álisher Tursynbetov.
Qazirgi ýaqytta kúdiktige qatysty QR QK «Alaiaqtyq» baby boiynsha sotqa deiingi tergeý júrgizilýde.
Politsiia kúdiktiniń áreketterinen zardap shekkenderden habarlasýyn suraidy: 8-707-515-47-35; 8-701-852-60-94.
