Foto: ashyq derekkóz
Almatyda jelide balalardyń sýretin jariialap, alaiaqtyq jolmen qomaqty qarjy jinaǵan azamat ustaldy, dep habarlaidy "Ult aqparat" Stan.kz aqparat agenttigine silteme jasap.
Politsiia málimetinshe, halyqtan alaiaqtyq jolmen 32 million teńgeden astam qarjy jinaǵan Shymkent qalasynyń turǵyny. Ol Talǵar aýdanyndaǵy balalardyń emine qarajat jinaýǵa kómek kórsetý syltaýymen Instagram áleýmettik jelisinde paraqsha ashqan.
"Alaiaq jelide onkologiialyq aýrýmen aýyratyn balalardyń sýretterin paidalanyp, jalǵan bank kartasynyń derektemelerin ornalastyrǵany anyqtaldy. Izdeý jumystarynyń nátijesinde kúdikti, iaǵni Shymkent qalasynyń turǵyny ustaldy. Qazir 32 million teńgeden astam somaǵa bastapqy shotqa 6 myńǵa jýyq aqsha aýdarymy jasalǵany anyqtaldy", – delingen habarlamada.
Alaiaqtyq faktisi boiynsha qylmystyq is qozǵalyp, kúdikti qamaýǵa alyndy. Onyń osyǵan uqsas basqa da qylmysqa qatysy bar-joǵy tekserilip jatyr.
