Alataý aýdanynyń burynǵy ákimi Shahmerden Ryspaev jáne onyń burynǵy orynbasary Saiat Aǵybaev sot sanktsiiasymen eki aiǵa qamaýǵa alyndy, – dep habarlaidy "Ult aqparat".
«Sotqa deiingi tergeý organy sanktsiia berý úshin tergeý sotyna júgindi. Tergeý sotynyń qaýlysymen kúdikti Shahmerden Ryspaevqa qatysty eki ai merzimge kúzetpen ustaý túrindegi bultartpaý sharasy sanktsiialandy», - dedi Almaty qalalyq sot baspasóz qyzmetiniń ókilderi.
Alataý ákiminiń orynbasary Saiat Aǵymaev ta osy merzimge qamaldy. Esterińizge salaiyq, 2020 jyly 18 qańtarda Almaty qalasynyń sybailas jemqorlyqqa qarsy qyzmeti sybailas jemqorlyq qylmys jasady degen kúdikpen Almaty qalasy Alataý aýdanynyń ákimi, onyń orynbasary, sondai-aq osy aýdan ákimi apparaty mádeniet jáne tilderdi damytý bóliminiń basshysyn áshkereledi.
Olar 2019 jyly «Óńirlerdi 2020 jylǵa deiin damytý» memlekettik baǵdarlamasy boiynsha bólingen biýdjet qarajatyn iri mólsherde urlady degen kúdikke ilingen. Sondai-aq, keiin Alataý aýdany eks-ákimin tutqyndaý sátiniń videosy tarady.
