Áleýmettik jelilerge júrgizilgen monitoring nátijesinde politsiia qyzmetkerleri aldaǵy kontsertke bilet satatynyn aityp, internette habarlandyrý jariialaǵan jas jigitti anyqtady, dep habarlaidy ult.kz.
Tekserý barysynda onyń áreketiniń zańsyz ekeni belgili boldy. Quqyq qorǵaý organdary kúdiktiniń alaiaqtyq áreketiniń aldyn alyp, onyń eshkimdi aldap, aqsha alyp úlgermegenin málimdedi.
Osyǵan bailanysty politsiia turǵyndar men qala qonaqtaryna kontsert biletterin tek resmi platformalar men senimdi servister arqyly satyp alýǵa keńes berdi. Sondai-aq beitanys adamdardyń esepshotyna aqsha aýdarmaýǵa jáne áleýmettik jeliler men messendjerlerde jariialanǵan kúmándi habarlandyrýlarǵa senbeýge shaqyrdy.
