Almatydaǵy Chaplin Mega Alma-Ata kinoteatrynda rejisser Dárejan Ómirbaev túsirgen «Aqyn» filminiń tusaýkeseri ótti, dep habarlaidy QazAqparat.
Mádeni is-sharaǵa kinostýdiia basshylyǵy, filmniń túsirý toby mne BAQ ókilderi qatysty.
Óziniń alǵy sózinde «Qazaqfilm» kinostýdiiasynyń prezidenti Aqan Sataev «Aqyn» filminiń shyǵarmashylyq tobyn tusaýkesermen quttyqtap, kartinanyń alǵashqy kórsetilimi Tokiodaǵy halyqaralyq kinofestival sheńberinde ótkenin jáne bul baiqaýda Dárejan Ómirbaev «Úzdik rejisser» júldesimen marapattalǵanyn atap ótti.
Sonymen qatar Aqan Sataev atalǵan kinotýyndy jaqynda ǵana ótken Halyqaralyq Berlin kinofestvaliniń «Forým» baǵdarlamasynda kórsetilgenin eske salyp, filmniń alar asýlary áli alda ekenin aitty.
Esterińizge sala ketsek, «Aqyn» filmi tehnologiialar damyǵan qazirgi zamanda ónerdiń qoǵamda alatyn orny týraly oi qozǵap, poeziiaǵa suranys azaiǵan dáýirde aqynnyń kúiinishi týraly syr shertedi. Qazaq halqynyń XIX ǵasyrdaǵy eń kórnekti aqyndarynyń biri Mahambet Ótemisulynyń qily taǵdyry jaiynda oiǵa batqan basty keiipker názik júrekti aqyndardyń ómiri qashan da qiyn bolǵanyn túsinedi.
- Nemis jazýshysy German Gesseniń «Avtorlyq kesh» atty áńgimesin oqyǵan soń filmniń stsenariiin jazýǵa kiristim. Keiin qolyma qazaqtyń belgili aqyny Mahambet Ótemisulynyń ómiri men ólimi týraly tyń derektermen tolyqtyrylǵan kitap tústi. Ony oqyp shyǵyp, filmniń stseanriiine qostym. Osylaisha «Aqyn» film dúniege keldi, - dedi rejisser Dárejan Ómirbaev.
Filmdegi basty róldi «Jigitter» tobynyń solisi Erdos Qanaev somdady. Belgili ánshi «Jigitter» kvartetine biyl 20 jyl tolatynyn jáne osy ýaqyt aralyǵynda kórermendermen alǵash ret kinoakter retinde qaýyshyp otyrǵanyn aitty.
- Basynda bul rólge basqa akter bekitilgen bolatyn. Keiin karantin kezinde kasting-direktor Erdos Qanaevtyń kandidatýrasyn usyndy. Birneshe ret kameraǵa túsirip kórdik te, nátijesinde Erdosty tańdadyq. Ony ánshi bolǵany úshin tańdaǵanymyz joq. Degenmen keibir sahnalardy túsirgende onyń shyǵarmashylyqqa jaqyn bolǵany kómek body, - dedi rejisser.
Sonymen qatar Dárejan Ómirbaev «Aqyn» filmi jaqyn bolashaqta basqa da halyqaralyq bedeldi kinofestivalder sheńberinde kórsetiletinin habarlady.
Aita ketsek, filmniń túsirý jumystary 2020 jyly bastaldy. Negizgi túsirilimder Almaty jáne Almaty oblysynda, sondai-aq Atyraý oblysynda júrgizildi.
Esterińizge sala ketsek, atalǵan kinotýyndy QR Mádeniet jáne sport ministrligi tapsyrysy boiynsha «Ulttyq kinony qoldaý memlekettik ortalyǵy qoldaýymen» Sh.Aimanov atyndaǵy Qazaqfilm» kinostýdiiasy túsirgen.
