QMA Almaty qalasy boiynsha departamenti qalanyń Aviatsiialyq kólik prokýratýrasymen birlesip asa iri mólsherde esirtki kontrabandasynyń jolyn kesti, - dep habarlaidy "Ult aqparat" Qarjylyq monitoring agenttigine silteme jasap.
"Biyl 2 qazanda Almaty qalasynda qyzmettik-izdestirý itiniń kómegimen jedel-izdestirý is-sharalaryn júrgizý kezinde AQSh-tan poshta jóneltilimderin alǵannan keiin jalpy salmaǵy 648,98 gramm "marihýana", sondai-aq jalpy salmaǵy 675,65 gramm "gashish" esirtki zattary tabylyp, tárkilengen turǵyndar ustaldy.
Olar Telegram messendjeri arqyly Qazaqstan aýmaǵynda esirtki satýdy josparlady. Tintý barysynda elektron tarazylar men ólshep oraýǵa qajetti basqa da quraldar tabyldy", - delingen habarlamada.
Qazirgi ýaqytta tergeý júrgizilip jatyr, kúdikti ýaqytsha ustaý izoliatoryna qamalǵan.
Ózge aqparat QR QPK-niń 201-baby tártibinde tergeý múddesine sáikes jariia etilmeidi.
