Foto: polisia.kz
Almatyda 1212 dana aqbóken múiizin satpaq bolǵan tórt adam ustaldy, dep habarlaidy «Ult aqparat» Kazinform-ǵa silteme jasap.
Olardyń bul zańsyz áreketi Almaty qalasy politsiia departamentiniń uiymdasqan qylmysqa qarsy kúres basqarmasynyń qyzmetkerleri júrgizgen arnaiy is-sharanyń nátijesinde anyqtaldy.
«Almaty oblysynyń aýmaǵynda Hyundai avtokóligi toqtatyldy, onyń ishin tintý barysynda 1212 aqbóken múiizi tabyldy jáne tárkilendi. Kúdiktiler PD-nyń ýaqytsha ustaý izoliatoryna qamaldy. Qazir sotqa deiingi tergeý bastaldy», – dedi Almaty qalalyq politsiia departamenti bastyǵynyń orynbasary Qýatbek Naýatov.
QR QK-niń 201-babyna sáikes ózge aqparat tergeý múddesine orai jariia etilmeidi.
